Google Santa Tracker History - Arabic version

امبارح وانا بقلب فى الانترنت لقيت جوجل بتقولى " شوفى فين سانتا"  
طبعا انا فضلت ادور ايه ده
لقيت جوجل باعتانى على website ليها كدة   

وبعد البحث لقيت الموضوع ده من 1955 !!

-كان فى store اسمه Sears عاوز يعمل حاجة فى الكريسماس قام حط اعلان ان الاطفال تكلم سانتا على رقم معين

-الرقم طلع غلط وطلع بتاع قيادة الدفاع الجوى CONAD 
-القائد الموجود وقتها امر الناس بتوعه يردوا على الاطفال ويقولولهم مكان سانتا فين
ومن هنا بدأت العادة واستمرت لما قيادة الدفاع الجوي (NORAD) حلت محل CONAD في عام 1958.

- المهم NORAD بقوا بيستقبلوا متطوعين كتير كل سنة عشان يكلموا الاطفال ويردوا على ايميلاتهم شوية والموضوع بقى على الانترنت

- من 2004 بدأت جوجل تقولك لأ بقى هنستخدم Google earth عشان ن track santa 

- شوية جوجل اتعاقدت مع NORAD وبقوا بيقدموا services كتيرة سوا 

- بعد 5 سنين NORAD سابت جوجل وراحت ل microsoft وبقت بتقدملها 2D map tracking

-جوجل بقت لوحدها هنا https://santatracker.google.com/#tracker
وميكروسوفت و NORAD هنا http://www.noradsanta.org/

-كل سنة بقى الاتنين بيحاولوا فى الموضوع ده يورونا عضلاتهم يعنى مثلا جوجل شغالة على ال maps وبتقدم العاب تعلم الاطفال ال coding والعاب فيها افكار كتير تحفة فعلا اللى هو جوجل بقى اما تعمل لعية اطفال . وبتستخدم google voice
عشان تقول مثلا where's santa يطلعلك المكان
جوجل مستخدمة كل حاجة تقدر تعملها وطبعا ال mobile ِAPPS..

نفس الحال ل Microsoft مبدعة برضه وبتعرض جميع منتجاتها ..انها حرب ال Christmas  

عارفين انك لو سألت جوجل where'santa هططلع اول حاجة NORAD !
‫#‏اصيلة_ياجوجل‬ 

ممكن تشوفوا الفيديو ده  : Google Santa tracker full review 

محتاجين ن track santa فى مصر ياجماعة 

ونجيب اسمة منير يسمع امنيات الناس فى الكريسماس :-  

اقروا اكتر :  http://bit.ly/1t1yIFV

                http://mklnd.com/1x5Ls3m
                http://cbsloc.al/1tg0ZOx

كل سنة وانتوا طيبين :')

الثانوية العامة _ 50 % مش فاشل

وانا فى سنك يعنى وانا فى ثانوى ..كن نفسى حد يفهمنى الكلام ده ..بجد !!

انا عاوزة اكلم الناس اللى حسة الدنيا وقعت ومبقاش ليها لازمة عشان جابت مجموع اقل من اللى كانت بتحلم بيه فى #ثانوية_عامة

انا نفسى اطولك واتكلم معاك ونفسى تكون بتقرا ده!

فى ناس كتير برة البلد بتاعتنا مكملوش تعليمهم وبقوا حاجة كبيرة جدا ... برة البلد يعنى ممكن يكون التعليم برة احسن من هنا بكتير ومع ذلك مكملوش وعملوا شركات كبيرة وهما من اغنى الناس فى العالم انت تقدر تدور عليهم فى Google

البلد ديه مبقتش بلد شهادات  .. مقصدش انك متتعلممش بس اقصد ان شهادتك ديه مبقاش معناها انك فاهم وانك تقدر تعمل حاجة او تشتغل.يعنى كام واحد اتخرج من طب ومشتغلش ؟ كام واحد اتخرج من هندسة وملقاش الشغل اللى عاوزه وسيان باقى الكليات

الموضوع مبقاش مجموع عالى

عارف الموضوع ايه ؟ الموضوع انت مين وعايز ايه ؟

بتحب تعمل ايه وبتعرف تعمل ايه ؟ كل ماقدرت تكتشف ده بدرى كل ماقدرت تنجح بدرى

الحياة مليانة بدايل ومليانة حاجات كتير ممكن توصلك لهدف قريت من كام يوم ال status  ديه وعجيتنى اوى

انت هتخيل انك دلوقتى داخل كلية انت مش حاببها ولا عاوزها ..او فى الاخر رسيت على معهد سنتين

وداخل مش طايق نفسك ومش عاوز الكلية بس لأن مجتمعنا مريض بالشهادات فانت عاوز يبقى معاك حتى لو دبلوم تمشى بيه حالك

انت مش فاشل ..انت ماشى فى طريق مش طريقك ..متكتأبش ..اقصد انت عندك طريقك اللى انت جامد فحت فيه ..محتاج تدور عليه

ماهو انت مش كمالة عدد وربنا خلقك عشان انت مميز جدا فى حاجة مش عند ال مليار اللى عايشين على الارض

طب ازاى ممكن تعمل ده فى كذا طريق منهم ده :

•      الطريق الاولانى 

عارف انا اعرف ناس كانوا عاوزين طب وجالهم علوم ..الناس ديه دخلت وتفوقت وبقت حاجة كويسة اوى فى المكان ده

فرصتك فى اى مكان انت رايح له كبيرة اوى انك تكون حد ناجح بشرط انك تكون واثق انك تقدر تعمل ده

جتلك اداب من بعد حلمك بسياسة واقتصاد اللى معرفش بيدخلوها ليه ديه :P

ادخل ذاكر وعافر وابقى من المتميزين ودور من وانت فى سنة اولى على طريقك بعد التخرج هتعمل ايه وهتوصل ازاى ليه ..صدقنى هتنجح ..متستسلمش ..وجودك فى المكان اكيد عشان سبب !

المهم ترسم طريقك ..وتعرف هتعمل ايه امتى وازاى ..اسأل غيرك خد خبرة من الناس اللى حواليك

•       الطريق  التانى

هفترض انك خلاص مقفلة معاك ومش لاقى نفسك فى المكان اللى انت اتحطيت فيه .الدنيا مش هتقف ..الدنيا فيها حاجات كتير لطيفة

      

• اعرف انت بتحب ايه وايه المجالات اللى انت ممكن تدوس فيه

افتح جوجل و اكتب مجالات العمل فى مصر/  مجالات العمل على الانترنت واقرا وشوف انت ممكن تبدأ تعمل ايه

 

•   هتمشى أزاى ؟

    بعد ما خرجت من اول مرحلة انت مثلا شاطر فى الرسم او التصميم ..ها ايه اللى بعد كدة

 ابدأ شوف كورسات اونلاين اتعلم ازاى تصمم 

 و ايه البرامج اللى ممكن تستخدمها عشان تصمم ..شوف المواقع اللى ممكن تفيدك وادخل اقرا واتعلم جيب نماذج من ناس مصممين شاطرين وقلدهم ولو انت حابب فعلا الموضوع هتبقى احسن منهم ..شوف صفحات على الفيس بوك بتتكلم عن التصميمات ..اعمل شغلك وخليك معاك واشتغل كتير واتعب

•   عاوز فلوس

 هتيجى مرحلة انك عاوز فلوس ..ابدأ دور على شغل freelancing ..يعنى عمل حر يعنى تشتغل حر نفسك مش تشتغل عند حد . ممكن تقرا اكتر عن ده من هنا https://www.facebook.com/mg.freelancer/posts/902051523154907

او ممكن متشتغلش على الانترنت ..

جمٌع شوية معلومات عن اماكن بتحتاج ناس بتصمم زى مثلا : شركات دعايا ,محلات تصوير , مطابع ....الخ

وانزل وريهم شغلك ووريهم انت ممكن تعمل ايه

الموضوع مش بالبساطة ديه ..لأن الموضوع محتاج تعب محتاج صبر محتاج تسيب حاجات زى القعدة بلا هدف على الانترنت بالساعات زى الشات والخروجات الكتير وكدة ..محتاج تركيز

•        طريق تالت

فكرة او حلم من زمان انت نفسك فيه ..وده اتجاه بيعجبنى انا شخصيا ..مثال من واقع حياتى ...فى واحد تعليمه مش الفظيع كان بيحلم يبقى عنده معرض موبيليا كبير وبيكسب ..بدأ صغير اصغر من لاشئ اشتغل عند ناس و تعب جدا ... جمع فلوس و السنة اللى فاتت وبعد 5 سنين قدر يبقى عنده معرض

ده بجد ..

ده واحد شايف هدفه وعارف هو عاوز ايه ..عارف هيمشى ازاى

وده مجال ناس بقى بيتسموا "رواد اعمال " / "entrepreneurs "

ادخل مسابقات بفكرتك ..فى مبادرات كتير بتاخدك وتدخلك مسابقات وتعلمك ازاى تعمل دراسة جدوى وحاجات للمشروع ولو كسبت يدوك فلوس تبدأ ..  شوف من هنا كدة  مسابقات ريادة اعمال

وده اللى انت كمان عاوزه اعرف انت عاوز ايه ..متخلش حاجة ولا حاجة زى ثانوى والمجموع توقفك

كل يوم انت ممكن  تتغير ..كل يوم سابق نفسك عشان تبقى احسن حاجة

انت حاجة مفيش على الارض حاجة زيها ..دور على انت متميز فيه عشان تلاقى نفسك

سيبك من بابا و ماما واخواتك وصحابك اللى شايفينك اقل عشان مجموعك اقل

انت مش زى حد ...بكرة اما هتنجح هيصقفولك وهيتنسى كل الهرى اللى كانوا بيقولوه

متخليش حاجة تحبطك ...انت تقدر تعمل وتتعلم  كل حاجة ! افتكر الناس اللى ربنا خلقهم عمى وعرج وغيره بس هما من احسن الناس ..ملكش حجة انت مش ناقص انت عندك كل حاجة تخليك حاجة كبيرة عندك نفسك!

لو فى حاجة مش عارف تفكر فيها قولى ممكن افكر معاك/ى ....انت مش فاشل !

  

عرفنى_بصاحبك

كل واحد فى فحياته ناس مهمة 

ومهم وجودها ..وممكن ميبقاش بس ليه ممكن يبقى عشان ناس تانية هو اصلا ميعرفهاش 

البوست ده للناس اللى انا معرفهاش  :"))

فى ناس كتير فى حياتنا مهمة ،،عملت لينا حاجة ..حلوة او وحشة ..خلينا فى الحلو 

انا عاوزة اعرفك بيهم 

-اجمد حد عرفته بي CODE واجدع صاحب : Abdehamied Hagras وهيبقى حاجة كبيرة قريب ان شاء الله 

- ناس بتضحكنى 

• Osama Sayed 
• Mohamed Assem 
• Mariam 3la2 
• Sara aymn 
• kimo

-ناس تساعدك 

• boshi 

-ناس عندها حلم و بتحققه وبتساعد غيرها [entrepreneurs ]

• Mohamed Gamal 
• Jimmy
• Ghazaly
• Hadeel 
• M7md adel
• محمود درويش
• sale7
• Islam 
• Fatma
• Osama 

- ناس بتعشق الكورة وعلى طول عنده كل الاخبار بجد

• Haitham Mostafa 

-ده بقى اسأله فى اى حاجة ليها علاقة بال designs او الشعر او ال branding  ..عنده شغله ...عنده مصر اهم حاجة 

بيشتغل كتير وكل اللى تحت ايديه عندهم شركات و ناس عظيمة [social Enterprenure]

ممم اه انت وهو ممكن تبقوا صحاب بعد 3 دقايق 

• Amjad Shashai

-ناس دماغها نضيفة 

• Mostafaaaaaaaaaaaaaaaaaaaaa 
• smsm 
• 3la2
• Salma 
• 3shry
• Amr sobhy

-اكتر ناس ممكن تساعد فى الدنيا من غير اى شروط وبكل حب 

• shimo
• Mariem 

-مواهب بجد 

• صوتها جامد فحت : jessy 
• بتمثل حلو اوى : sara
• بيمثل حلو اوى : Thomas

ممكن ابقى ظلمت حد ..حطيت حد فى مكان مش مكانه بس اى انسان ليه كذا جهة انت ممكن تشوفوه بيها 

كل الناس اللى اعرفهم حلوين بجد وكل حد فيه حاجة حلوة .. بس يمكن دول اكتر ناس اتعاملت معاهم 

شير عشان ديه ناس تستاهل وعرفنى يللا بصحابك الجدعان :") 

يللا تعالى هنا على الايفنت 

لو بتقعد كتير على تويتر يبقى تعالى هنا عرفنى بصاحبك

الايفنت على الفيس بوك عرفنى بصاحبك 

يللا سلام D:

-

ازاى نمنع التحرش ؟

طيب دلوقتى ما اكتر الناس والصفحات اللى بتمنع #التحرش وبتاع وضده يعنى وده

بس كلهم زى بعض ..مبيعملوش حاجة 

مرحلة اننا نتكلم ونفهم البنت وكدة خلاص عدت 

البنت نفسها بقى عندها 100 سبب انها تعمل حاجة من غير ماحد ينصحها 

افهموا ان وجودكم على الفيس بوك وتويتر ابدا مش كفاية!! 

ولا ليه لازمة بالنسبة لاى بنت 

لازم تبقوا موجودين فى الشارع تقدموا حلول واقعية وتحسسونا انكوا موجودين

مش ناس بتلم likes و shares 

الحل اننا نقضى على الموضوع ده مش نعالجة 

وانا شايفة مش هيجى بحماية البنت بس

لأ ..اننا نفهم الولاد برضه ونوعيهم ونحث على الأخلاق اللى راحت

مش هنقضيها تهزيق ..مش هسيمعوا !

او اشتغل على الجزء المحترم من الولاد انه يساعد او يعمل حاجة 

ليه متكونشى فى حملات تتعاونوا فيها مع الدولة والجهات المختصة 

ليه مفيش حاجات بتتعلق فى الشوارع ؟!  

ليه متكونشى فى وقفات وتسمًع عشان اللى بيعمل كده يشوف بعينه وتوعية فى الشارع يكون هدفها الوصول لاولاد الشوارع 

صفحة فيها 100 الف ..تقدروا تعملوا كتير !! 

كله ماسك فى دفاع البنت عن نفسها ..الموضوع فيه اتجاهات كتير اوى لازم يتبص فيها 

لو تعرف صاحب حملة او حد صاحب صفحة وصلونى بيه 

الكلية - التدريب - الشغل

 بما انى خريجة كلية حاسبات ومعلومات الشقيقة ف انا هيبقى كلامى خاصة لبتوع حاسبات لكن كلامى ممكن تاخده وتعممه لأى كلية تانية

انا اما اتخرجت انا زى اى كائن فى البلد فضلت ادور على شغلانة..اشوف الوظايف ..ابص على ال Cv بتاعى ..اظبط فبه..ابعت ال Cv للوظيفة ..اعمل انترفيو ..متوفقش ..ارجع اعيد السطر التانى

وطبعا بعت لناس كتير ومردوش وهما اللى بيخسروا طبعا ..لحد ما اشتغلت يعنى

 اشطة!

انا من وانا 2 كلية وانا كنا مهمومة بالموضوع ده ...هطلع اشتغل ايه ...وانا شايفة انى اشتغلت بسرعة بالنسبة لناس كتير حواليا ..الحمد لله بفضل ربنا بجد ..بس فى اسباب ..الاسباب ديه انا خدتها وخرجتها على شكل نصايح مش لازم تاخد بيها خالص طبعا ;))

بص ياباشا

1-شارك فى انشطة فى الكلية ...اعمال خيرية ...ساعد ناس ..اتحرك ..اعمل علاقات واتعرف على ناس وشخصيات مختلفة عنك هتكسب علاقات كتير وهيعرفك يعنى ايه تيم وان مفيش حاجة اسمها تستغل لوحدك ..شارك كتير

2-من سنة تانية ابدأ اعرف انت عاوز تشتغل ايه !؟ ايه المجالات المتاحةعندنا فى حاسبات مثلا

Software developer
Mobile developer
Game developer
database administration
data analyst

روح جوجل اكتب   " List of IT jobs /list of Computer Science jobs "او شوف اللينكات ديه

                                     bit.ly/1g99VPp    |      bit.ly/1l4OYkg 

وانت ممكن تجيب لينكات افضل منى مش ده موضوعى :]]

 المهم ابدأ شوف بقى انت مثلا لو mobile developer       

 عاوز تdevelop ايه ؟! اندرويد ولا IOS ولا bbm ولا لنوكيا ولا لأيه !؟ 

 بعد كده هتشتغل ب انهى لغة ؟! واللغة ديه ليها شغلها ولا فى حاجات افضل ؟ والمفروض تتعلم ايه تانى عشان تبقى جامد ف المجال ده ..  ببساطة مثلا افتح المطلوب للوظيفة اللى زي انت عاوزها وشوف ايه المطلوب عرفت انت عاوز ايه؟....   

 اشتغل بجد اعمل كام ابليكشن ..شوف حاجات معمولة واعمل زيها ..ياسلام بقى لو شوفت frameworks او Tools بتسهل الموضوع مبقتش حاجة بتتبنى From scratch  اصلا الا القليل 

3- مبقاش فى اكتر من الاكن اللى بتدى training !!يومين تلاتة ... شهر ...والصفحات على الفيس بوك كتير كمان بتقدم ده وانا ان شاء الله هجمع شوية اماكن  واحطهم فى بوست هنا ولو حد مجهز حاجة يقولى :))

                              ولو مخدتش فاكس اصلا ..اشتغل فى مشروع ليك احسنلك

 4- احفظ المشارع اللى بتعملها فى الدراسة ...عشان هتحطها فى ال CV ..اى مشروع لطيف عملت فيه مجهود

5-كورسات على النت !! كتيرة جدا جدا جدا وموثوق فيها ومن ناس فاهمة جدا ومن جامعات كبيرة من اقل مستوى للمحترف ..عندك انترنت ؟ معندكش ..خلاص افكس ! 

بجد بقى انا بتأرف اما بلاقى حد رايح ياخد كورس ب 1000-2000 جنيه وياريته بيستفاد ويقولى عشان الشهادة -_- ...شهادة فى عينك ..ارميها لو انت مش فاهم ومش جامد فى اللى بتدرسه !زمن الشهادات انتهى 

...صدقنى ياصاحبى :))

اتخرجت و عاوز تشتغل ؟!  

 1. عاوز اظبط ال CV طيب انا بشوف ان ال CV ملوش standards ..ال CV بتاعك انت اللى تظبطه لنفسك بطريقتك    

  هتلاقى templates كتير جدا على النت ..اختار واحد و ظبطه عليك  

  انا بس عندى تعليق عشان انا شوفت ناس كتير اوى مش واخده بالها من الكلام ده  !!

  الايميل  [خليه Formal ]   مثلا    olivia.aymn@yahoo.com

 مشاريع الكلية المهمة ...او اللى عملتها خلال الكلية دية خبرة ليك

 الايفنتات او انشطة الكلية مهمة انك تحطها ف ال CV

 مشاريع برة الكلية او اللى عملتها مع نفسك برضه

2. وانت بتبعت ال CV         

انا اما طلبت من ناس تبعتلى ال CV بتاعها عشان ال STARTUP انا تعبت نفسيا -_-

 هو ايه ممكن يخليك تحط ال COVER LETTER فى .docs وتبعته مع ال CV

ال COVER LETTER بيتحط فى ال Body بتاع الميل ...عشان تفهم اللى بيقرا ال mail انك qualified ومستعد للوظيفة معتقدش فى مدير هيفتح mail من ال 50/100 mails اللى بيتبعتوله عشان يلاقى كلمة  

                                MY CV IS ATTACHED                             

وبعدين ينزًل ال COVER LETTER ويفتحه وبعدين ينزًل ال CV بتاعك ..ويقراه ....فُكك!

ال cover letter فى ال mail bodyاكتب cover letter كويس بتبين فيه خبرتك وليه انت مستحق انك تاخد الوظيفة ديه

كل وظيفة ظبطلها ال CV ..مينفعش تقدم على designer وتبعت انك عارف اكتر حاجة ال PHP !

3.  ظبط linkedin  ..ال endorsements  , recommendations

كلمة اخيرة للكاتب اللى هو انا يعنى  ^_^ 

عمره ماكان متأخر انك تذاكر او تنجح او تتعلم ..متخليش حد يقنعك او متقنعش نفسك ان الوقت فات ...اتكل على ربناوطول مالبنا معاك انت تقدر تعمل اى حاجةاى حاجة بتبدأ صُغيرة  ! 

.الاستمرار والاصرار هو اللى يوصلوك للى انت عاوزه وكده